Image Víctor Hugo Cárdenas, Yatichañ P'iqichiri (Jamuqa: BTV)

Jutir urunakaw kunjams llikan yatichatäni ukxat amtank uñt’ayäxa, jisk’a wawanakatak jach’a yatiqañ utanakatakiw amtanakax utjani sasaw jichhürux tata Víctor Hugo Cárdenasax arsuwiyi, jupax Yatichañ P’iqichirirakiwa.

“Llikan yatichañxatw amtanak wakt’ayasipktha. Jichhakamax janiw ukxatx kamachinakax utjkiti. Tukuyxasipktwa; ukhamïpanx juk’amp jayp’uw markasarux llikan yatichañxatx amtanakax uñt’ayatäni (…) jach’a yatiqañ utanakataki, wayna tawaq yatiqañ utanakataki, wawanakan yatiqañ utanakapataki, yatiqañ qalltir wawanakataki, tantiy jatiqañ utanakataki, yatichirïñatak yatiqañ utanakataki ukhamarakiw yaqhanakatakisa” sasaw tata Cárdenasax arsuwiyi.

Jawsasiñ markasan apnaqapki uka qullqichir utanakaruw yatiqirinakar Yatichañ P’iqichirin llika janjapar inak mantayapxañapatak mayita, llikan yatiqañutjañapataki sasins arsuwiyarakiwa.

“Aka simanax 120.000 ukjaniruw yaticht’atäski. Mayni yatichirix patakaniruw inak yatichapxiristha sasaw sawiyapxitu, yatichirinakan uñt’ayasipxañapataki, llikan yatichäw apnaqañ apnaqasipkañapatakiki, anqa markanakan yäqat luqtäw katuqapxañapataki” sasaw tata Cárdenasax arsuwiyi./RAR