Image Áñez Jilïr Irpirimp yanapirinakapampix yänak luqtasipki (Jamuqa: BTV)

Jeanine Áñez Jilïr Irpirix yänak Beni qullañ utanakan jichhürux luqtawiyi, uka qullañ utanakan juk’amp sum qullapxañapatakiw ukham lurawiyi. 11 samsuñ yänakamp 22 ikiñamp 21 tonelada q’umachañ juphuqump 70 tiliwisiyunampw uka departamenton qullañ p’iqichirinakar (SEDES) luqtawiyi.

“Yaqhip usutax janiw (qullañ utan) qhiparapkiti, ukhamarus qhiparapkan jupanakatakix samsuñ yänakaw munasini, utjaniwa, ukw jichhax lurasipktha” sasaw Jilïr Irpirix arsuwiyi.

Sumsañ yänakamp ikiñanakampx qullañ utanak apnaqirinakaruw luqtawiyapxi, q’umachañ juphuqunakx ukan irpirinakaw qullañ utanakamp thakhinakamp q’umachañatak churapxani. Tiliwisiyunakax khithinakati yaqhaqtat uñjatäsipki uka usutanakatakirakiwa.

Caja Nacional de Salud (CNS) ukankirinakax COVID-19 usump usuntatanakar uñjañatak utachayapki ukw Jilïr Irpirix janir Trinidad jach’a markat kutinkasax uñjt’awiyaraki, yanapirinakapas jupamp chikt’ataw uka chiqar puriwiyapxaraki./RAR