Image 2019 chhijlläwin jaqur markachirinaka (Jamuqa: BTV)

Chhijllayañ Utankirinakax kunjamas chhijlläwix apnaqatäni ukw jichhürux uñt’ayawiyapxi. Jichhüruw uka amtampix irnaqañ qalltatäni, sata qallta phaxsit 26 uru saraqkipan chhijllayatäni, pä kut jaquñax munasin ukax, taypi sata phaxsit 18 uru saraqkipanw jaqutarakïni.

“Chhijllayañ Utankirinakax (kastill arunx TSE) sata qallta phaxsit 6 uru saraqkipan 2020 chhijlläw lurasiñap amtawiyapxtha ukhamarakiw chhijllayañatak mayamp irnaqasiñapsa, lurañ tukuyasiwayki ukanakax janiw mayjt’ayatäkaniti” sasaw Chhijllayañ Utankirinakax yatiyawiyapxi.

Jichhürump qharürumpix chhijlläwxatw yatxatäwinakax uñt’ayatäni, ukampiw chhijlläwitak irnaqañax mayamp qalltatäni.

Markachirinakar jaqupxañapatak mayiñax utjaniwa, chhijllayasirinakax willka kuti phaxsit 24 uru saraqkipanw sata qallta phaxsit 3 uru saraqañapkam jaqüwx mayipxani, yatiyañ utanakast lakan phaxsit 7 uru saraqkipanw sata qallta phaxsit 3 uru saraqañapkam jaqüwx mayipxani.

Willka kuti phaxsit 30 uru saraqañapkamaw Chhijllayañ Utankirinakax chhijllirinakan sutinakapx sum uñakipxapxani.

Jaquyirinakan sutinakapx lakan phaxsit 7 uru saraqkipanw sapa departamenton ajllipxani, TED ukankirinakaw ajllipxani. Lakan phaxsit 10 uru saraqkipanw 16 uru saraqañapkan jan jaquyañ atipki jupanakax janiw jaquykiristti sasin yatiyapxaspa.

Sata qallta phaxsit 6 uru saraqkipanw machaq irpirinakarux chhijllatäni. Uka pachpa phaxsirakiw, 13 uru saraqkipan, atipirinakarux uñt’ayatäxani.

Atipir utjañapatak jan mayamp jaquñ munaskan ukax taypi sata phaxsit 4 uru saraqkipanw mayamp jaqutarakïni, mayamp jaquñ wakisin ukax 18 uru saraqkipanw jaqutarakïni.

Aka chiqar mantasaw chhijllayañ amtx uñjarakisma:

https://www.oep.org.bo/wp-content/uploads/2020/06/Calenario_Electoral_EG_2020_06-09-2020.pdf

/RAR