Image Qullat mama

Santa Cruzan COVID-19 usump nayrïr usuntatax waliptxiwa, qullañ utat sarxiwa, 54 uruw qullayasiwiyi, jupax Italiat usut purini. Jupa waliptat mamarux wila masinakapaw katuqawiyapxi, utapkamaw k’añaskut q’ipxapxi.

Jupa mamarux walja qullañ utanakanw Santa Cruzanx jan katuqañ munawiyapkänti, ukhamarus jichhax janiw ukhamäxiti. Jichhürux k’uchikiw qullañ utat mistuwayxi, niya pä phaxsiw ukankawiyi. Qullirinakaruw yuspajart’awiyi ukhamarakiw departamento irpirinakarusa, jupanakaw yanapt’awiyapxi ukata.

8:02 arumirjäkipanw Ana Medina qullañ utankirinakax t’axllirt’as jupar khithxapxi, uka chiqanw qullayasiskäna. Mayni phuchhapaw juparux mistupanx qhumantawiyi.

“Juparux walpin munastha, nänakamp chikäxaniwa, ukatw kusistha. Jichhax utaruw apasipktha, ukanx jila kullakanakajaw jikxatasipxi” sasaw phuchhapax arsuwiyi.

Achuqa phaxsit 10 uru saraqkipanw Santa Cruzanx COVID-19 usump nayrïr usutax uñstawiyi. Ukürut jichhakamax 979 usutaw jichhakam Santa Cruzan utjxi, 68 usutaw waliptawayxapxaraki./RAR