Image YPFB aljañawja (Jamuqa: Llika)

Richard Botello, Yacimientos Petrolíferos Fiscales Bolivianos (YPFB) irpirix 078 amta jan utjxañapatakiw amtawiyi, uka amtampiw irnaqañax jank’ak iyawsatäna, COVID-19 usux uñstawiyi ukatw ukham lurañax utjarakïna sasaw wasärmax yatiyawiyapxi.

“078 amta t’unjañatakix, (YPFB) irpirix 081 amta utjañapw aka mara t’aqa phaxsit 1 uru sarakipanx amtawiyi, 078 amtax achuqa phaxsit 31 uru saraqkipanw amtatäna, ukampiw COVID-19 usu uñstipanx jank’ak irnaqañatakix iyawsatäna” sasaw YPFB ukankirinakax yatiyawiyapxi.

Marka irpirinakax janiw jank’ak irnaqañatakix ukham lurañax utjxaspati sasaw amtawiyapxi, ukhamäñapatakix 4247 kamach uñt’ayawiyapxi.

Janiw llakisiñax utjañapäkiti, phäñat pist’añax janiw utjkaniti sasaw sawiyapxi. “Markachirinakax janiw llakisipxañapäkiti. YPFB ukankirinakax janiw phäñanakx (gasolinamp dieselampi) pist’ayapkäti, markaspachanx utjaskakiniwa. Ukhamäñapatakix irnaqatäskiwa, wakiski ukjaw phuqhatäni, kamach phuqhasaw ukham luratäski” sasaw yatiyañ tukuyawiyi./RAR