Image Usutanak thaqhirinaka (Jamuqa: BTV)

Qucha Pampanx paqallq municipionw jichhürux utan jist’antat jakañ qalltawiyapxi. Uka chiqanakanx jutir phaxsit 10 uru saraqkipanw ukham jakapxani. Ukhamäkipanx, COVID-19 usutanakw utat uta sartas thaqhasipki ukhamarakiw llikan jiskht’asasa. 1.000 jaqit jilaw utat utx sartasipki, ukhamw tata Yercin Mamanix yatiyawiyi, jupaw uka departamentonx qullañ p’iqichicht’askaraki (SEDES uka).

Jichhüruw usutanak thaqhirinakax irnaqañatak t’anuqatäni, jupanakarux municipionak irpirinakaw tantthapiwiyapxi; jichhürump qharürumpix utat uta sartañatakiw jupanakarux yaticht’asini sasaw tata Mamanix arsuwiyi.

500 jaqiw inak yanapt’ir purinipxi, 300 internonakaw utji, qullirinaka, usut uñjirinaka, laka ch’akh qullirinaka, sapa chiqan irptirinaka, “jupanakampiw 1.000 jaqit jilaw tunka urutakiw utjapxitu” sasaw sawiyi.

Jichhürux llikans usutanak thaqhañ qalltawiyapxarakiwa, “Salud Cochabamba” sutin yanapt’aruw mantaña, ukax jawsañanakarus apaqasirakispawa. “Sapa jaqiw uka yanapt’anx yatiyäwinak phuqhantañapa, kunas usu ukxata. Usutjamäch ukax uka jaqirux chiqat usut janich uk yatxatañatakiw jawsasispa. Ukhamarjamaw qullañ utarus apatäspa” sasaw SEDES p’iqichirix arsuwiyi.

Qucha Pampa, Killa Qullu, Sacaba, Wintu, Qullqa Pirwa, Tikipaya, Sipi Sipi municipionakanw jichhürux jist’antat jakañ qalltawiyapxi./RAR