Image Riberalta marka (Llika)

Riberalta, Guayaramerín, San Ramón markanakanx usutanakar uñjañ utanakaw utjani, khithinakati COVID-19 usump usuntatjam jikxatasipki jupanakataki, ukhamatw Beninx uka usur saykatatäni sasaw wasärmax tata Rodrigo Guzmánax yatiyawiyi, jupax Ch’amanchanak Apnaqañ P’iqichirirakiwa.

“Khithinakati usutjamäpki, jan utapan qhiparirjamäpki jupanarux uka utanakaruw uñjañatak irpatäni, jupanakat yatxatasiñapkama. Jupanakarux qullax churatarakïspawa, qullirinakaw juk’ampis jupar uñjapxani. Ukhamat uka municipionakan jan walja jaqin piykatasiñapatakix luratäni” sasaw jupa tata irpirix arsuwiyi.

Eliane Capobianco, Ayllunak Jiltayañ P’iqichirimp chika, municipio irpirinakamp chikaw COVID-19 usump jiwatanakar p’amp’achañatakix uraqix thaqhatäski, markachirinakax jakapki ukjat jayankañapawa sasaw tata Guzmánax arsuwiyi.

“Riberaltjam markanakanx uraqw (jiwatanak) p’ampachañatakix thaqhasipktha, marka irpirinakaw INRA ukankirinakampix (Instituto Nacional de Reforma Agraria) ukham lurasipktha” sasinw jupa tata irpirix arsuwiyaraki./RAR