Image Tata Evo Morales, Bolivia Markan Jilïr Irpiripa (BTV)

La Haya Jach’a Taripañ Utankirinakax taypi sata phaxsit 1ïr uru saraqkipanw lamar quta taripäwxat qhipa amuyup uñt’ayxani, sasaw Bolivia Markan Evo Morales Ayma Jilïr Irpiripax jichhür arsuwiyi.

“Boliviamp Chilimpix taypi sata phansin 1ïr urupat uksarux mayj apasxapxani. Amtanakax phuqhaspan. Aka maran taypi sata phaxsin 1ïr urupat uksarux Chilimp jan walt’äwinak askichañ qalltañäx utjpan. Jak’apur jakir markanakätanwa, jila kullakjamätanwa. Ukax wiñayatakiwa. Janiw jaytjat jan walt’äwinakax utjkaspati”, sasaw Qucha Pampanx yatiyirinakar sawiyi.

Tata Moralesax kunjams lamar qutxatx chiqpach arsus, kamachinakamp, kikipat uñjasiñ utjañap mayis taripayawiyata ukxat arsuwiyi. Uka pachparakiw, Chilirux suma chuymamp lamar qutar mistuñxat aruskipañakiw mayita sasin qhanancht’awiyi.

Tukuyañatakix, La Haya Jach’a Taripañ Utan qhipa amtapx jan llakisisaw Boliviankirinakax suyasktan, sasaw sawiyi./RAR