Image OEA (Jamuqa: Llika)

Awiya Yalan Markanakan Tamap (kastill arunx OEA) irpirinakax mä yatiyäw kunjams Venezuela markachirinakax Bolivian uñjatäsipki ukxat uñt’ayawiyapxi. Machaq amtanakaw utji, juk’ampw jaqirjam uñjawiyapxi sasaw sawiyiwapxi.

"Bolivianx (yaqha) irpirinakaw mantawiyapxi, Jeanine Añez jupaw p’iqicht’aski, jupanakaw uka markax yaqha markachirinakar katuqañ amtx mayjt’ayawiyapxi, Venezuelat puririnakatakix yaqha amtaw utji, janiw ch’ama ch’am tukuykirïkiti, jaqjamaw juk’amp uñjata” sasaw yatiyapxi.

Venezuela markachirinakarux kunjamas uñjatäski uk yatiñatakiw OEA irpirix yanapirinakap akar khithani, jupanakan aruparjamaw yatiyawiyapxi.

10.000 Venezuela markachiriw jichhürkamax Boliviar purinipxi, ukhamarus niya “tunka phisqhan maraw jupanakarux jan yäqawiyatäkiti”, qhipa maranakanx markasäm mäkhipirinakaw utjäna, ukhamarus jichhax akar jakiriw jutxapxi, ukhamaw yatisi.

“Yaqhip markanx (Venezuela markachirinakan) jan mantapxañap amtawiyapxi, ukatw Venezuela markachirinakax Boliviar juk’amp puripxi, ukhamak uñjatäskan ukax, Nicolás Madurox juk’amp jan walt’ayaskakin ukax uka markarux juk’amp aka marax sarasipkakiniwa” sasaw tata David Smolanskyx yatiyawiyi, juparuw OEA irpirix Venezuelat mistur markachirinakat yatxatañ mayiwiyi.

Boliviar purinipki uka markachirinakax jan walt’äwirux purt’asipxaspa, ukatw machaq irpirinakax yaqha amtamp jupanakar uñjañ amtawiyapxi, akan qhiparapxañ mayipxañapatakiw amtawiyapxi, Bolivian qhiparañatak jan walja laphinak mayiñ kunw amtawiyapxi./RAR