Image Santa Cruzan tantachasirinaka (Jamuqa: BTV)

Wasürux Comité de Operaciones de Emergencia Departamental (COED) ukankirinakax Santa Cruzanx tantachasiwiyapxi, jupanakax paqallq urump utan jist’antat jakañ utjañap amtawiyapxi. Santa Cruz de la Sierra jach’a markampin La Guardiampin Warnesampin Porongompin Cotocampin El Tornompin Monterompin ukham jakapxani.

“(…) aka qhipa urunakax jach’a markanakax utjki uka chiqanakanx departamenton chhijir puriñjañakïskiwa, Montero markans ukhamaraki. Paqallq urump utjki uka amtanakamp sarnaqañäni” sasaw Santa Cruz irpirin yanapiripax arsuwiyi.

Wasürkamax, llamayu phaxsit 14 uru saraqkipana, 2.163 usutaw Santa Cruzan utjxi; ukja usutax utjirjamapinïnwa, ukhamarus COED ukankirinakax paqallq urump utan jist’antat jakañ amtawiyapxtha sasaw tata Peñax arsuwiyi.

Anqan sarnaqapki jupanakats yatiyawiyatakiwa. “Jan iyawsatanakaw juk’amp sarnaqir mistuwiyapxi. Kamachinak phuqhayañatakix juk’amp (thakhinak) uñjir sarapxäxa” sasaw tata Peñax arsuwiyi./RAR