Image Kuka laphi (Jamuqa: Llika)

Franclin Gutiérrez, Chukiyawu Kuka Yapuchirinakan (ADEPCOCA) p’iqichiripax kunjams markasanx kukax aljatäspa uka amtwa Ayllunak Jiltayir Irpirir jichhürux uñt’ayawiyi.

“Ayllunak Jiltayañ Irptañ Uta punkun jikxatastha. Kunjams kuka laphix aljatäspa uka amta uñt’ayiriw jutapxtha. Walja yapuchiriw irnaqañatak ukham utjañap mayisipki” sasaw BTV ukan arsuwiyi.

40.000 yapuchiriw tamachat jikxatasipxtha, t’aq t’aqaw p’iqichiripamp kuna pachas aljatäni ukx amtapxani ukhamarakiw kuka apnaqañatakisa sasaw tata Gutiérrezax qhanancht’awiyi.

Iyaw sapxitan ukax jan usuntañatak sarnaqañax wakiski ukaw yapuchirinakampir k’añaskunakampir phuqhayatäni sawiyiwa. ADEPCOCAnx qullañ punkuw utjani ukhamarakiw ampar jarisiñatakis umamp jawunakampix utjani sasaw arsuwiyi.

“Markasaw sum uñjaña, ukw munapxtha. Yapuchirinakaw ukx phuqhapxañätha, markachirinakarux jan usuntapxañapatakiw sum uñjañ munapxtha” sasaw sawiyi./RAR