Image Óscar Mercado, Irnaqañ P'iqichiri (BTV)

Qucha Pampanx mä yaqhaqtañ uñjañ utaw COVID-19 usump usuntatjamäpki jupanakatakix utjañapa, wakisiwa, jank’akiw ukham utjañapa, ukhamatakw qullañ utanakanx usutanakax jan phuqharkaspati sasaw jichhürux tata Óscar Mercado Qucha Pampa irpirinakar sawiyi, jupax Irnaqañ P’iqichirisarakiwa.

“Munasiwa, wakisiwa, juk’amp jayp’ux ukax askichasiñapawa, yaqhaqtat uñjañ utaw utjañapa, (ukham utjasp ukax) qullañ utanakanx janiw usutanakax phuqharxaspati, qullañ utanakanx usutanakaruw uñjapxañapa” sawiyiwa.

Ukham lurañän ukax Qucha Pampoan utjki uka qullañ utanakanx juk’amp yäparuw irnaqatäni; janiw yaqhaqtat uñjañ utax utjkiti, ukatw uka qullañ utanakanx usutjam jikxatasipki jupanakarux uñjatäski, qullañ utanakanx jan walt’apki jupanakaruw uñjasiñapa sasaw tata Mercadox arst’awiyi.

Yaqha jach’a markanakan luraski ukhamas luratarakïspawa, qurpachañ utanakw usutjam jikxatasipki jupanakar qhiparayañatakix mayt’asiwiyapxi sasaw arsuwiyi. “Ukhamarus qurpachañ utäpas janisa, Qucha Pampanx mä qhiparañ chiqax utjañapapiniwa, jach’äñapawa, qullañ utanakanx janiw jaqix phuqharxañapati, amtatäki ukakiw ukanx uñjasxañapa, juk’amp usutanakarukiw uñjasiñapa” sasaw tata Mercadox sawiyaraki./RAR