Image Santa Cruzanx akham sinti jan wal usutanakar uñjasipki (BTV)

Usutjam amuyasipxsta ukax jank’ak yatiyapxam, juk’ampw usuntapxasma, sintwa jan walt’apxasma, qullañ utarus qhipartayapxarakiristamwa sasaw wasürux mama Eidy Rocax arsuwiyi, jupax Qullañ P’iqichirirakiwa.

Jan qullañ utan jan walt’askañatakix usutax juchanirakïspawa, COVID-19 usunïtap jan wakisk ukjax amuyaskan ukax, usutax “janiw usxat yatiykiti, utajan jan kunak waliptiristha sasin jan yatiyatapatw ukhamäspa”, usux jan walt’ayañkamaw ñanqhachaskakistaspa sasaw jupa mama irpirix arsuwiyi.

Jan usump piykatayasiñatakix, amtanakax utjki uk phuqhañäni, usutjam amuyasktan ukjax qullañ utanakar uñjayasiñatak sarañäni, uka chiqanakanw COVID-19 usunïtant janich ukx sisxapxistani, ukhamän ukax jank’akirakiw qullañ qalltapxistani sasaw markachirinakar arxayawiyi.

Sintpin jan wal walt’ki ukjaw usutarux qullañ utan yaqhaqtat uñjxapxañapa, ukhamaw amtanakax irnaqañatak utji.  Ukatw sinti jan wal jikxatasipki jupanakatak samsuñ yänakax utjañapa ukhamarakiw yäpar uñjañasa sasaw mama Rocax arsuwiyi, ukhamarus usutanakan jan ukham jan walt’apxañapaw munata, ukhamax amuyump sarnaqañäni sasaw jupa mama irpirix arsuwiyi.

“Jank’ak jan juk’amp usuntañatak amuyt’asipxät ukax janiw chiqpachans qullañ utanx sinti jan wal usuntat uñjayasipkätati, ukw nänakax munapxtha, ukham markachirinakar iwxt’apxaraktha (…) Ukhamïpanx, jank’akiw uñjayasiñatakix yatiyaña, usun janir chuymar purkipana” sasaw jupa mama irpirix wasitat wasitat markachirinakar iwxt’awiyi./RAR