Image Tata Saúl Sánchez, Bolivia Thakhinak Uñjir Utan irnaqiri (BTV)

El Sillar ukjan irnaqasiski, ukatw 30 urux 10:00 arumanthit 4:00 jayp’ukam thakhix jark’antatäni, sasaw jichhürux tata Saúl Sánchezax arsuwiyi, jupax Bolivia Thakhinak Uñjir Utan irnaqirirakiwa.

“Bolivia Thakhinak Uñjir Utax yatiyawayxiwa, ukhamarjamaw jichhürut uksarux Qucha Pampat Santa Cruzar sarki uka thakhix jark’antatäski, El Sillar ukjana, 10:00 arumanthit 4:00 jayp’ukama, 30 uruw ukhamäni”, sasaw yatiyirinakar sawiyi.

Uka chiqanx irnaqasiskiwa, laq’aw apnaqatäski, uma jalañanakaw uskutäski, ukatw ukham amtawiyata, sasaw tata Sánchezax yatiyawiyi.

Uka pachparakiw, markachirinakarux jan phiñasipxañap mayiwiyi, k’añask apnaqirinakarust jark’antat yäqapxañapraki./RAR