Image Arce jach'a thakhinx jut sarxapxaspawa (Jamuqa: BTV)

Chukiyawu jach’a marka irpirinakax Supu K’achinw Belisario Salinas thakhin irnaqayasipki, ukatw Arce jach’a thakhin k’añaskunak jut sarayañ amtawiyapxi, ukhamw tata Rodrigo Solizax Bolivia TV ukan arsuwiyi.

“Belisario Salinasw siman tukusix jark’antawiyapxtha. Aka wakiskir yatiyäw sañ muntha, Arce jach’a thakhinx (k’añaskunakax) jut sarxapxaniwa, Estudiante palasatpachx Isabel la Católica palazakamawa (sarapxaspa)” sasaw sawiyi

Niya mä maraw irnaqapxani, ukhamarus qalltkasakiw k’añaskunakarux yaqha thakhinakäm sarnaqayatäni sasaw tata Solizax arsuwiyi.

Yaqha thakhinaks mayjt’ayawiyapxarakiwa. “Belisario Salinas jist’antatatx, Pedro Salazarämak Supu K’achirux mantatäspa. Pedro Salazarar puriñatakix, Mirafloresankirinakax Américas chakäm sarapxañapa, uka chakax Supu K’achir jut sarañatakiwa. Mirafloresat (Chukiyawu) taypir saririnakax Américas yaqha chakäm sarapxam” sasaw tata Solizax arsuwiyi.

Pedro Salazar thakhix Mirafloresat Supu K’achir puriñatakiwa, Pinilla thakhix Zona Surar sarañatakiwa sasaw sawiyaraki./RAR