Image Utat uta sartir qullirinaka (BTV)

Santa Cruz jach’an markanx waranq yanapt’ir utjañapatakiw jawillt’asipki, COVID-19 usuninak utat uta jikxatir sarapxañapatakiwa, Comité de Operaciones de Emergencia Municipal (COEM) ukankirinakaw wasärmax ukham yatiyawiyapxi.

“Taqiniruw jawillt’añ munapxtha, qharür (jichhüru) 800-12-5700 jakhur jawst’anis qillqant’ayasipxañapataki ukhamarakiw WhatsApp ukans 70496234 jakhur qillqt’anipxaspa. 18 maranit jilïrïpxañapawa, aka jakäw arxatañ amta sartayañ yanapt’ir jutapxañapataki” sasaw tata Rolando Riberax arsuwiyi, jupax COEM p’iqichirirakiwa.

Kunjams utat utax usutanak jikxatir sartatäspa ukxat aruskipañatakiw tantachasiwiyapxi, 70% amtanakaw utat uta sartañatakix wakt’ayatäski. Jutir tantachäwinw 30% amtanakax phuqhachatäxani.

Khithinakati COVID-19 usut waliptawiyapki jupanakarux yanapt’ir jutapxañapatak jawillt’atarakïspawa, jupanakax sutipamp jawsañ jakhupamp yatiyapxitaspa, ukhamatw yaticht’añatakiw jawst’apxiristha, “Palla pallanakampchik qullqirinakamp chik utat uta usutanakat thaqhir sarapxañapataki” sasaw tata Riberax arsuwiyi./RAR