Image

Bolivia mark irptiri Luis Arcex, 40 waranqa jank’ak yant’awi (pruebas rápidas) churawinx, bolivia markax aka 2020 maranx askinjama covid 19 usur saykatasaw jist’antawayata, ukatx Bolivia markax askinjam wakicht’ataw aka coronavirus yanqha  usur saykatañataki, sasaw qhanañchawayi.

Jallu qallta phaxsitak bolivia mark irptasktan, niyaw aski lurawinakax aka covid 19 usur saykatañatakix utjistu, askinjam irnaqawinak utjipan akham jikxatawinakax utjistu sasaw arst’awayi.

Nayrir irpirix jawillt’awayiw aka nayrir tama antígeno nasal katuqawitxa, kunatix aka katuqawimpix askinjamaw covid 19 usuninakar katuwayatäni jani yaqhanakar piykatayañapataki, sasinaw qhananchawayi.

Wakichawinx tata Arcex, Jank’ak Yant’awinakax (pruebas rápidas) Santa Cruz ukatx La paz markanakanwa churasiwayani, kunatix akir markanakanw jila yanqha usump piykatatanakax utji. Jutiri 10 uru chinuqa phaxsinwa 1.668.000 jank’ak yant’awinakax (pruebas rápidas) puriniñapax suyatäski, ukhamaraki 550 mil yant’äwi PCRnakax (pruebas PCR) alatäni yanqha usur saykatañataki sasaw yatiyawayi.