Image La Haya Jach'a Taripañ Uta (Llikat apsuta)

Taypi sata phaxsit 1 uru saraqkan ukjaw, 9:00 arumirjäkipan (Bolivian pachapa), lamar qutxatx qhipa yatiyäw uñt’ayapxani, ukhamw tata Eduardo Rodríguez Veltzéx Twitter uksan jichhür arsuwiyi, jupax La Haya Jach’a Taripañ Utar khithat irpirirakiwa.

“2018 maran taypi sata phaxsit 1 uru saraqkipanw, 3:00 jayp’ukipan (Bolivian 9:00 arumirjäkipan) La Hayan Suman Jakañ (sutin) utapan, La Haya Jach’a Taripañ Utankirinakax aka taripäwit qhipa amtap uñt’ayxani: Pacífico Lamar Qutar Mistuñxat Mun jan Mun Aruskipaña (Boliviamp Chilimpimpxata)”, sasaw qillqt’awiyi.

2013 maranw, Boliviax Chilir lamar qutar mistuñxat suma amuyump aruskipañatak taripayañ qalltawiyi. Patak marat jilan mistuyämaw, mistuyämaw sasin khä markatpach sanipxatapax utjki ukarjamaw taripayata, ukhamarus Chilinkirinakax janiw ukhamäkiti sasaw CIJ uksanx sawiyapxaraki./RAR