Image Tata Marcelo Navajax akhamw FELCC ukar puriwiyi (Jamuqa: Radio Fides)

Marcelo Navajas, Qullañ P’iqichirix samsuñ yänak alatat yatiyañapatakiw katuntat jikxatasi sasaw tata Iván Rojasax sawiyi, jupax Fuerza Especial de Lucha Contra el Narcotráfico (FELCC) p’iqichirirakiwa. Jucha yatxatirinakaw kuna juchachasitas utji ukx sapxani.

“Anchhax FELCC ukanw Chukiyawu jach’a markanx katuntat jikxatasi” sasaw jupax arsuwiyi.

Chhärminthiw tata Navajarux arsuñamaw sasin sawiyapxi, ukatw FELCC ukarux arsur puriwiyi.

Kunats Qullañ P’iqichiriruw juchachasini ukx yatxatirinakaw sasipkani, sasaw tata Rojasax arsuwiyi. Wakiski ukhamarjamaw kunas lurasin ukax amuykipt’atäski, yatxatirinakaw kunats juchachañax wakisi ukx amtapxani sasaw sawiyi.

Irnaqawiyapki uka chiqaruw saratäni, ukanw ukxatx yatiyäwinakax apthapitäni, ukanakx yatxatirinakarakiw uñakipapxani sasaw arsuwiyi. “Ukham lurañatak irnaqawiyapki uka chiqanakax jist’antatäniwa. FELCC yatxatirinakaw ukham lurasipki, yatxatañ p’iqichirinakaw jupanakarux irpt’asipkaraki” sasaw tata Rojasax arsuwiyi./RAR