Image Chukiyawu taypinx siklu thakhix utjiwa (Jamuqa: BTV)

Siklunakatakix thakhinakaw Chukiyawu taypinx utjani ukhamarakiw phisqha macrodistritonsa sasaw Pradonx kunjamäspas uk yaticht’kasaw tata Ramiro Burgosax arsuwiyi, jupax thakhinak uñjasaw Chukiyawunx irptaskaraki.

“Chukiyawu jach’a markanx kunjams siklu thakhinakax uñstayatäni uk jaqir yatiyañatakiw akham lurasipktha (…) jach’a marka taypit phisqha distritoruw siklu thakhinakax puriyatäski”sasaw tata Burgosax Bolivia TV ukan arsuwiyi.

Khuchjat llantanakampiw siklu thakhinakx k’añask thakhinakan chimpt’awiyapxi, llusq’a thakhiruw jan uñxtañapatak jiru q’iwiñanakamp q’iwintawiyapxaraki.

Niya 2.700 llantampiw siklu thakhinak tukuyañatakix munasini, markachirinakan utjchi ukax yanapt’apxitpan sasaw tata Burgosax sawiyi.

Khithinakati siklump sarnaqañ munapxchi jupanakax casconïpxañapawa, chaleconi, kayunx isinak jan cadenar mantañapatakix ch’uqt’asitax utjañapa sasaw sawiyi.

Kamisti k’añaskunakan sarnaqapxañapatakix amtax utjki uka pachpaw siklunakatakix apnaqatäni, 5:00 qhantatit 6: jayp’ukama sasinw arsuwiyaraki./RAR