Image Qullirinakax utat utw Santa Cruzan sartawiyapxi (Jamuqa: BTV)

Santa Cruzanx “Todos por la Vida” sutin amtampiw COVID-19 usutanakx utat uta thaqhtawiyapxi. Usutanak thaqhirinakax 207.407 jaqimpiw jikisiwiyapxi, 22.721 jaqiw COVID-19 usump usutjamaki sasaw sapxi. Jupanakarux kimsaruw t’aqjawiyapxi: Usutanakjama, niya usutanaka, inas usutanakjama, ukhamw mama Angélica Sosax arsuwiyi, jupax uka jach’a marka irpirirakiwa.

Phisqha distritoruw usutanak thaqhirinakax puriwiyapxi, 207.407 jaqimpiw jikisiwiyapxi, 32.137 utaruw puriwiyapxaraki.

“3.089 jaqiw uka usunjamapinïpxi, qullirinakax jupanakaw COVID ukanjamäpxi sapxiwa, niya usutjam jikxatasipki jupanakax 3.210 jaqiwa, 16.422 jaqirakiw inas usut jikxatasipxchispa. Jupanakarux qullirinakan iwxt’ataparjamaw qullanakax churatäski. Mayamp sañ muntha: jan jumanapach qullasipxamti” sasaw jupa Santa Cruz irpirix arsuwiyi-.

Wasürux 3.838 jaqimpiw jikisiwiyata, 742 utjäwiruw 2ïr distritompin 5ïr distritompin puriwiyata; “COVID usuninakax 240 ukjawa, inas usutäpkchispa jupanakax, kuna jan walt’äwinït sapkit jupanakax 665 ukjawa, niya usutanakax 241 ukjawa, usutjam jikxatasipki jupanakast 249 ukjarakiwa (…) 178 jaqiw jan walt’irjama” sasaw tata Melgarax qhanancht’awiyi./RAR