Image Reino Unido (Jamuqa: Llika)

Qasäwi phaxsinx 20,4% Reino Unido qullqichäwix juk’aqtawiyatayna, jichhakamax janiw ukham qullqichäw juk’aqtirix utjkänti, ukhamw uka markanx Jakhthapiñ Utankirinakax yatiyawiyapxi.

Qullqichäwit yatxatirinakax qullqichäwix juk’aqtaniwa sasaw sapxäna, ukhamarus janiw ukjataq juk’aqtañap amuyawiyapkiti. Mä phaxsiw COVID-19 usu utjatapat uka markanx utan jist’antat jakawiyapxi, ukatw qullqichäwix ukham juk’aqtawiyaraki. Yatxatatanakax 18,7% PIB ukax juk’aqtani sasaw sasipkäna.

Achuqa phaxsit 23 uru saraqkipanw uka markanx utat jist’antat jakañ amtawiyapxi. Aljañ utanakamp manq’a utanakamp machañ utanakamp yänak lurañ utanakamp jist’antawiyapxi. Ukatw qullqichäwix ukham juk’aqtawiyaraki.

Achuqa phaxsimpin qasäwi phaxsimpinw sintpin qullqichäwix juk’aqtawayxi, aka qhipa kimsa phaxsix sinti jan waliwa sasaw sapxi.

Irnaqirinakar jan jaqsupxañapatakix, irpirinakax 330.000 waranq waraq libraw (375.000 dólara) jan walt’at jixkatasipki uka qullqichañ utankirinakarux mayt’atäni, ukampiw jupanakax irnaqirinakar payllapxani sasaw yatiyawiyapxaraki./RAR