Image David Ramos, MAS kamach luriri (BTV)

Bolivian nayrïr chhijlläw uñstayasax markan apnaqasiñapaw ch’amachata, markasatakiw yäpar amtata, sasaw jichhürux tata David Ramosax arsuwiyi, jupax Movimiento Al Socialismo (MAS) kamach luririrakiwa.

“Wakiskirjamawa. Marka apnaqañax mayjt’awiyiwa. (Nayrïr chhijlläw) q’al jan walt’ayañatakiw  sarnaqasipkäna”, sasaw yatiyirinakar sawiyi.

Uka pachparakiw, walja markanw nayrïr chhijlläwix utji, ukatw qhipa chhijlläw lurasipki, ukhamw chhijllayasirinakx ajllipxi, sasaw qhanancht’awiyi.

“Bolivia markachirinakatakix, markaspachpan apnaqasiñapax wakiskiriwa”, sawiyiwa./RAR