Image Uru Uru jach'a markanx utan qhiparasipki (Jamuqa: Llika)

Jichhürut uksarux jan Covid-19 usun saratatañapatakiw Uru Uru departamentox jark’antatäski, jan juk’amp piykatatanak uñstañapataki, paqallq uruw ukhamäni sasaw tata Zenón Pizarrox arsuwiyi, jupax Uru Uru irpirirakiwa.

“Jichhürut uksarux (aka llamayu phaxsit 10 uru saraqañapkama) Uru Urux jark’antataw jikxatasi. Janiw khithis departamentor mantankaniti, janiw khithis mistkaniti. Aka paqallq urux markachirinakax jan phiñasipxamti, aka departamento kamachix phuqhaspan. Phuqhapxam, utjäwimankirinakar sum uñjapxam” sasaw sawiyi.

Wakiski ukham phuqhasiñapatakix 35 alcalderuw departamentpachan mayiwiyata. Pachaxchunakax thakhinakan sarnaqasipkaspawa, ukhamarus janiw Uru Uru jach’a markarux mantapkaspati sasaw qhanancht’awiyi.

Uru Uru jach’a markanx, Alcaldíankirinakax laq’ampiw mantañ chiqanakx jark’antawiyapxi, yaqha municipionakanx ukhamrakik lurawiyapxi.

Jichhürkamax 111 Covid-19 usump usuntataw Uru Urunx utji. Jan juk’amp usutanak utjañapatakiw jark’antasiñ amtawiyapxi. Marka irpirinakax jutir urunakaw amtanakx kunjamas sarnaqatäni ukxat uñt’ayapxani; kawkhans chhijir purirjamäpki (juk’a, tantiyu, sinti) ukw uñt’ayapxani, uk amuyasaw Uru Urunx jark’antasisipkaraki./RAR