Image Víctor Hugo Cárdenas, Yatichañ Kamana (Jamuqa: BTV)

Yatiqirinakar yatiqañ munayapxam, juk’amp yatiqayapxam, akat qhipar wali suma yatxatat markachirinak utjañapataki sasaw jichhürux tata Victor Hugo Cardenasax sawiyi, jupax Yatichañ Kamanasarakiwa.

“Yatiqañ utanakar jutir lluqall wawanakamp imill wawanakamp wayna tawaqunakampix yatiqañlaykuw jutapxi. Yaqhip kutix yatiqañ utanakanx ukw jiwt’aytan. Aka phaxsinakanx ukhamw mayamp yatiqañ munayañäni, jupanakaw yatichirinakjamax yatiqirinakax ukx iwxt’apxañama. Ukatw jach’a yatiqañ utanakanx yatiqawaytanxa. Yatiqäw jiwt’ayir yatichirinakax janiw suma yatichirïpkiti” sasaw sawiyi.

Walja mara apnaqkay yatichañ amta utjañapatakiw irnaqañasa, janiw sapa irpirin amtaparjam apnaqañax utjañapäkiti sasaw sawiyi. Yatichäw sum sartayañän ukakiw yatichäwx Bolivian sumaptayañäni.

“Yatiqasax suman jakañaw utji, munasiña, sumäñat marka apnaqasiña, jan amuyuk ch’amachañäniti, jan ukax jakhunaks arsusiñs markachañs Pachamama arxatañs ukhamaraki” sawiyiwa.

Yatichäwinx janiw ch’axwañax utjkaspati, mayj mayjätasaw amuyañasa, ukatw suman jakasis marka apnaqasiñxat yatichañatak ukhamarak jan usuchjasis sarnaqañatak, yatiqañ utanakan yäqasiñatakix mä amtax utjistu sasaw sawiyi./RAR