Image

Jeanine Áñez Jilïr Irpirix mä qullañ utaw palla pallanakatakjam utt’ayatäni, Benin sinti usutanakar qullañatakïniwa, yamakis juk’amp qullqiw qullañ yänakampitak qullanakampitakix churatäni sasaw wasürux arsuwiyi.

“Mä qullañ utwa palla pallanakatakjam utt’ayañ mayiwaytha, 160 ikiñani. Ukatw utachäwinak utjpan sawaytha, 60 ikiñaw sinti usutanakar qullañatak utjani. Ukatw yänakamp qullanakamp qullirinakamp qullañ utan irnaqirinakamp markasan yatxatatanakamp anqa markanakankir yatxatatanakamp puriyanita, ukatw aka departamenton juk’amp qullañatakix juk’amp qullqix churata” sasaw Jilïr Irpirix arsuwiyi.

COVID-19 usump jan usuntañatakix markachirinakaw amuyump sarnaqapxañapa, “utan jist’antat jakañ amtx phuqhañäni”, markachirinak taypinx phuqhañ amtaw utjañapa, marka irpirinakanx ukhamaraki, aka departamentorux yanapt’atäniwa sasaw Jilïr Irpirix arsuwiyi.

Wasürux Beninx 100 COVID-19 usump usutaw uñstawiyi, ukampix 1.243 usutaw taqpachax uka uraqin utjxi. Trinidad jach’a markx jark’antxapxaniwa, utat utw khithinakas usutjam jikxatasi uk yatiñatakix sarapxani./RAR