Image Juancito Pinto Paylläw churkasa (Jamuqa: Llika)

Juancito Pinto Paylläwix churasiskakiwa, pä waranq waranq jila yatiqirinakarux payllatakïskaniwa sasaw jichhürux Virginia Pattyx arsuwiyi, jupax Yatichayir Kamanarakiwa.

“Walja chiqanw payllasiski. Jan walt’äwinakax jan utjawayki uka chiqanakanx Juancito Pinto Paylläwix churasiskiwa, janiw kunat jan payllasiñapas utjkiti, phuqhasiñapawa” sasaw BTV ukan arsuwiyi.

Thakhinak jark’antatax utji ukatx janiw yaqhip jach’a markanx payllañjamäkiti, P’utuxsimpin Qucha Pampampin Chukiyawumpin ukhama sasaw sawiyi. Ukhamïpanx taqi sartasirinakaruw jan wartasxapxañap mayiwiyi, yatiqirinakar payllañ utjañapataki sawiyiwa.

“Ukatw uka chiqanakan mayamp yatichäw utjañapa munapxtha, sartasiñax utjki uka chiqanakana, Juancito Pinto Paylläwiw churañ munata” sasaw arsuñ tukuyawiyi./RAR