Image Evo Morales Jilïr Irpirin ONUn arsutapa / Jamuqa: Llikat apsuta

Evo Morales Jilïr Irpirix Mayacht’at Markanakan Tamapan 73ïr Tantachäwiparuw sarani, sasaw jichhürux tata Diego Paryx arsuwiyi. “Jilïr Irpirix Mayacht’at Markanakan Tamapan tantachäwiparux sarapiniriwa, jichhax sararakikiniwa. Janiw tantachäwinak arskaniti, yaqha lurañanakapas utjarakiwa”, sasaw tata Paryx arsuwiyi.

Uka pachparakiw, tata Jilïr Irpirix sata qallta phaxsin 23 urupat 27 urupkamaw ONUn tantachäwipankañatak sarani, ukürunakatakiw yaqha lurañanakapx amtawiyaraki, sasaw tata Paryx sawiyi.

Sata qallta phaxsit 18 uru saraqkipanw ONUn 73ïr tantachäwipax qalltani, mama María Fernanda Espinosa Garcésaw uka tantachäwx irptarakini, jupax Ecuadorankirirakiwa./RAR