Image Eddy Luis Franco, Empresa de Telecomunicaciones (ENTEL) irpiri (Jamuqa: Llika)

Chharminthix tata Eddy Luis Francow mä llika chiqwa k’umar jakañampit qullqichäwimpit k’uchirt’añampit markachirinakan jiskht’asipxañapatak uñt’ayawiyi, https://digital.entel.bo/ uka. Uka chiqanx k’umar jakañxat qullqichañxat k’uchirt’añxat markachirinakatakix yatiyäwinakax utji.

“ENTELanx inak mantañatakiw mä llika chiqa uñstayañ amtawiyapxtha, (ukar mantatax) janiw meganak manq’skaniti. Uka chiqanakanx yatiqañatak k’umar jakañatak k’uchirt’añatak yatiyäwinakax uñt’ayatäni” sasaw sawiyi.

Llika chiqanx panka juk’achatanakamp Bolivia películanakamp luräwinakat yatiyatanakamp yatiqañ yatiyäwinakamp k’umar jakañ yatiyäwinakamp COVID-19 usut jark’aqasiñatak yaticht’äwinakamp qullqichañ amtanakamp llika apnaqañ yatichäwinakampiw utji.

COVID-19 usun uñstatapatx llika apnaqañaw juk’amp munasi, ukatw irpirinakjamax ukham utjañap amtawiyapxtha sasaw mama Isabel Fernándezax arsuwiyi, jupax Yatiyañ P’iqichirirakiwa.

Pacha uñjañxat pacha jan q’añuchañxat markachäwxat amuyxat tecnologíat qullqichäwxat anatañxat k’umar jakañxat k’uchirt’äwinakxat saräwinakxat cine ukxat juk’a qullqichirinakar yanapt’añxat atamirimp atipt’asitxat hackatonanakxat yatiqañ legonakxat ruwutinak lurañxat COVID-19 usu jan utjxan ukjax kunjamänisa ukxat yatiyäwinakax utji, aruskipt’añatakis ukanx utjarakiwa./RAR