Image

Suni uraqi kamachirinakax CAF-Banco de Desarrollo de América Latina ukankirinakaruw aksa uraqin jakasir markanakar COVID-19 usur kutkatañatak jan kutt’aykay qullq churañap mayiwiyapxi, ukhamäñapatakix mä amtwa uñt’ayawiyapxi.

“Suni uraqi kamachirinakax irnaqañ amtanak utjañapatak iwxt’anakax utjkän ukanak iyawsawiyapxi, ukanx CAF ukankirinakaruw suni uraqi markanakar jan kutt’aykay qullq churapxam sasin sata, qullqichäw kutitatayañataki. COVID-19 usu utjipan utjäwin jist’antat jakasipki jupanakar qullqimp yanapt’atäpan sasaw iyawsawiyata” sasaw yatiyawiyapxi.

Wasüruw Skype ukan kamachirinakax aruskipt’awiyapxi, ukanw ukx iyawsawiyapxi.

Usux yapuchirinakaruw suni uraqinx jan walt’ayawiyi, ukatw jupanakan qullqichäwip ch’amachañatakix mä kamach utjañap amtawiyapxaraki.

Suni uraqi kamachirinakax Comunidad Andina ukan utt’ayatawa, 120 waranq waranq jaqitakiw jupatakix amtawiyapxi; Bolivia, Colombia, Ecuador, Perú markanakan mayacht’asipxañapatakiw irnaqapxi ukhamarakiw Chile markas uka tamankañ munaraki./RAR