Image Irpirinakax akham jilt'ir kuka jik'irañx irptapxi (BTV)

Janiw nayratpach yapuchat kukax jik’iratäkaniti sasaw chhärminthix Evo Morales Jilïr Irpirix arsuwiyi, ukhamarus kamach t’unjas yapuchatax jik’irasiskakiniwa sasins sawiyarakiwa.

Uka pachparakiw, kunjams irpirinakar k’umirinakax markachirinakan sartasipxatapx jupanakan askipatak apnaqapxi ukxats llakt’at arsuwiyi, ukhamat sartasirinakarux aynacht’ayapxi, sawiyiwa.

Chiqat janich Colombiankirinakamp Pirwankirinakamp Yunka uraqir jan walinak lurir mantanipxpach ukxatx yatxatasiniwa, sasaw sawiyi.

“Jichhax yapuchirinakaw Carlos Romero Marka Apnaqañ Kamanar yatiyasipki, kuka juk’aqtayasipktwa sasina. Janiw sum yatitäkiti, ukhamarus yapuchirinakax Pirwankirinakamp Colombiankirinakampiw yatichir jutapxi sasaw sapxi. Ukax yatxatañawa”, sasaw sawiyi.

 

Bolivia Jilïr Irpirix Asociación Departamental de Productores de Coca (ADEPCOCA) ukankirinakan jan wali amuyt’ayat sarnaqapxatapat llakt’at arsuwiyi, jupanakax Kuka Kamach t’unjasiñap mayisipki, 1008 Kamachimp sarantañas munapxpacha, jan kuna kuka utjañap munapxpacha, sawiyiwa./RAR

Nayratpach kuka yapuchatax janiw kamachatäkanisa sasaw Jilïr Irpirix arsuwiyi