Image Morales Jilïr Irpirin Twitter janjapa / Jamuqa: BTV

Evo Morales Jilïr Irpirix Venezuela markaruw jichhürux Estados Unidon uka markar ñanqhachañ munatapat ch’amacht’awiyi. Estados Unidomp yanapirinakapampix qullq Venezuelar jan mantañapatak jark’antañ amtawiyapxi ukhamarakiw jaqiw t’aqhisiski sasin ch’amamp mantañ munasipki.

10 maräxiwa, 2008 maran sata qallta phaxsit 11 uru saraqkipanx, Hugo Chávez irpirix Estados Unidot khithanit irpiriruw Venezuelat jaqsuwiyi, jupax Estados Unidot Bolivia khithat irpirir jaqsunipxatapat ukham lurawiyaraki, sasaw tata Moralesax arsuwiyi.

“Jichhürjamaw, 2008 maranx Hugo Chávez irpirix Estados Unidon khithanit irpiripar Venezuelat jaqsuwiyi, ukx yaqhaqtañ munirinakan ñanqhachat markasar ch’amachañatakïnwa. Jichhax Venezuela markarurakiw ch’amamp mantañ munasipki. Jiwasax uka markar ch’amacht’araktanwa ¡Ch’amacht’asim Venezuela Marka!”, sasaw Jilïr Irpirix qillqt’awiyi./RAR