Image Milton Navarro, Anatañ P'iqichiri (Jamuqa: Llika)

2.700 jaqin Sucret markanakapar kutt’apxañapatakiw wakicht’asitäski, kawkhanti jupanakax jakasipki ukjanakkam sarxapxañapataki sasaw jichhürux tata Milton Navarrox arsuwiyi, jupax Anatañ P’iqichirirakiwa.

“Khithinakati munapki jupanakaruw wakicht’asipxañap maytha, jichhayp’uw municipionakapar sarxapxaspa. Jupanakax usut jark’aqir yänakanïpxañapawa; ñuku, wantisa, amparapatakix alkula. Jupanakaw qullqx sarañatak apnuqapxañapa, pachaxchuninakampiw juk’ak payllapxañapatak aruskipatäski, jan jiläñapataki” sasaw arsuwiyi.

Jichhayp’uw q’ipipkan uka pachaxchunakax puripxani, jach’unakamp chikt’ataw irnaqatäski, ukhamaw yatisi.

Khithinakati k’añaskupat departamentonakapar kutt’añ munapki jupanakax Agencia de Gobierno Electrónico y Tecnologías de Información y Comunicación (AGETIC) ukankirinakampiw iyawsayasipxañapa sasaw tata Álvaro Orozcox arsuwiyi, jupax Sucre irpirin yanapiriparakiwa.

Yaqha chiqanakan jikxatasipki jupanakan markanakapar kutt’apxañapatak 4222 kamach amtawiyapki ukarjamaw ukham luratäskaraki./RAR