Image Mama Sosamp qullañ uta irpirinakampi (Jamuqa: Angélica Sosan uñt'ayata)

Angélica Sosa, Santa Cruz irpirix 6ïr, 7ür, 10ïr distritonakan qullañ utanak irpirinak jichhürux utt’ayawiyi, COVID-19 usump uka jach’a markan usuntat jikxatsipki uka markachirinakar qullasiñapatakiw ukham lurañ amtawiyaraki.

Mama Katerin Cuellar Garcíarux 10ïr distritonw qullañ utx apnaqani, El Recreo sutin qullañ uta. Tata Bernardo Ortizax El Trapiche qullañ utw 6ïr disgtriton apnaqani. Tata Denis Mieresax El Tatú qullañ utrak 7ür distriton apnaqani.

“Usun uraqpachar saratatkipanx, yäparu, jank’aki, munasiñampiw   irnaqapxäxa, markachirinakax ukham lurasiñap munapxi. (Mama Sosarux) ch’amacht’apxatapat yuspajart’apxtwa, llakisitapata, sapür irnaqatapata” sasaw mama Cuellarax arsuwiyi.

Jutir simananakaw machaq qullañ utanakanx irnaqañ qalltatäni sasaw Santa Cruz irpirix arsuwiyaraki./RAR