Image San José yatiqañ uta / Jamuqa: BTV

Chukiyawu, 2018 maran anata phaxsit 27 urükipana (BTV).- Álvaro García Linera Sullka Irpirix San José yatiqañ utwa Lluxitan luqtawiyi, Chukiyawuna. 8.364.631 bolivianompiw ukx utachayapxatayna, “Boliviax Mayjt’askiwa, Evox Phuqhiwa” wakichäwiw qullq churarakitayna.

“Jichhürux San José yatiqañ utax ‘pä patak mars thuqhtkaspa’ ukhamawa. Nayrïr urunakax aka yatiqañ utax mä yapuchañ jach’a utankaskänwa. Ukax 150 maranixänwa, aruwimpit, wichhumpit lurata. Ukan yatiqapxayätaxa. Ukax 19 patak maranjam jakañänwa”, sasaw tata García Linerax arsuwiyi.

Uka machaq utanx 12 yatichañ utamp, tantachasiñ utamp, anatañawjamp, chuym qhanart’ayasiñawjamp, irptañ utanakamp, chhuxuñ utanakamp, atamir utanakamp, yatichir utamp, panka utampiw utji.

Uka chiqanx, San José tayiqañ utankirinakax Lamar Quta Urunak ch’amachapxäx sawiyapxiwa; jupanakax 50 metron chimp churapxani./RAR