Image Utat ut sartañatakiw wakichayasisipki (BTV)

Jichhürumpix phispha uruw Trinidad jach’a markanx COVID-19 usump usuntatanak katjañatakix utat ut sartasipki. Jichhürux jach’a marka taypinkapxaniwa, thiyanakx tuktxapxiwa, ukhamw tata Emerson Ramírezax Bolivia TV ukan arskasax sawiyi, jupax Centro de Operaciones de Emergencia Departamental (COED) ukanrak Beninx irnaqañ p’iqicht’aski.

“(…) Phisqha uruw irnaqxasipktha. Aka jach’a markan usutanak jikxatañatakiw irnaqasipktha, COVID usump piykatat jaqinakar jikxatañataki. Jach’a marka thiyanakanx thaqhañ tukuyxapxtwa, marka taypiruw mantxasipktha. Walja chiqanw jichhürux irnaqasipkäxa” sasaw tata Ramírezax arsuwiyi.

Suxta distritonw irnaqawiyapxtha, qullañatak qutucht’asiwiyatäki ukhamarjama sasaw jupax sawiyi. “Chiq chiq jaljasiwiyapxtha (…) 45 chiqanw irnaqapxtha. Ukhamïpanx manzanot manzanw irnaqasipktha. Ukhamatw thiyanakat jach’a marka taypir purisipktha” sasaw arsuñ tukuyawiyi./RAR