Image Palla pallanaka (Jamuqa: BTV)

Jichhürkamax 496 palla pallaw COVID-19 usump markasanx usuntawayxapxi, patak kimsaqallq tunk kimsaniw (183) waliptawayxapxaraki sasaw jichhürux tata Rodolfo Monterox arsuwiyi, jupaw palla pallanakan p’iqichiriparaki.

“Markaspachatx jichhakiw yatiyawiyapxi, ukhamax 496 (usutaw utji), usutjam jikxatasipki jupanakax 506, waliptatanakax 183. Jiwirinakax 29 ukjarakiwa” sasaw jupa tata p’iqichirix Bolivia TV ukan arsuwiyi.

Yaqhip palla pallax waliptasipkiwa, yaqhipax yaqhaqtataw uñjatäski, yaqhipast utapanrak jikxatasipxi, yaqhanakax usutanak uñjañ utanakankasipkarakiwa sasaw arsuwiyi.

“Kunayman qullañ utanakankasipkiwa, jach’a qurpachañ utanakax mayt’asiwayki ukanakana, Plaza jach’a qurpachañ utana, Santa Cruzanx Camiri jach’a qurpachañ utankasipkiwa, Tarijanx Los Ceibos jach’a qurpachañ utanraki. Ukhamanakatak askichkipawiyatâki uka utanakanw jupanakax jikxatasipxi” sasaw sawiyi./RAR