Image Palla pallarux jaqsuwayapxiwa / Jamuqa: Patria Nueva

Roberto Juan de Dios Ortiz Blanco palla pallarux jaqsuwayxapxtwa, sasaw jichhürux palla pallanakan p’iqichirinakapax yatiyawayapxi. Juparuw Jilïr Irpirin silt’upamp chimpupamp khuri walür chhaqhayatapat jilpach juch jaqusipki. Uka k’achacht’añ yänakx walürurakiw katjawayxapxi.

“(Marka) kamachinaka, palla pallanakan kamachinakapa phuqhañatakix, Roberto Juan de Dios Ortiz Blanco palla pallaruw jaqsuñ amtawayapxtha, jupax Qaqilunakamp ch’axwir palla pallarakiwa”, sasaw yatiyawayapxi.

Uka palla pallax Jilïr Irpirin silt’upamp chimpupamp lunthatayasiwayi. K’añaskupatw lunthatanakax q’ipiñap apsuwayapxatayna, k’achachañ yänakax uka q’ipiñankänwa. Lunthatapkipanx, jupax anisqutamanakampiw ikintaskatayna.

Palla Pall Taripañ Utaruw uka amtx palla pallanakan p’iqichirinakapax apayapxi.

Simón Bolivar Qhispiyiriw silt’x Boliviatak jaytawayatayna, ukatw Bolivia Qullqi Utan ukx imapxi. Ukat apsupki ukjax, Palla Pall Utankirinakaw kawkhar puriyañatakis apnaqapxi, Jilïr Irpiriw ukx uskusiñaparaki, ukham lurañatakiw kamachinakax utji. Palla Pall Utan Alberto Mansilla irpiriparux wasüruw irpañapat jaqsuwayapxaraki./RAR