Image Angélica Sosa, Santa Cruz jach'a marka irpiri (Jamuqa: BTV)

Santa Cruz alcaldíanx 30% irnaqiriw COVID-19 usump usuntat jixkatasipxi, ukhamw wasürux mama Angélica Sosax arsuwiyi, jupaw uka jach’a marka irpiriraki. Mayni irnaqirix Rossy Valencia satawa, jupatakix wila umaw qullasiñapatak munasi sasins arsuwiyarakiwa.

“Alcaldíanx 30% (irnaqiriw) COVID usump usuntat utjapxitu; uñjirinaka, laphinak apnaqas irnaqirinaka, qhathunakar saririnaka, irpirinaka. Ukhamax, COVID usux taqi chiqankiwa. Markachirinakaruw amuyump sarnaqapxañapatak mayamp iwxt’añ muntha” sasaw mama Sosax arsuwiyi.

Irnaqaskañajatakikix nayan jan usuntañajaw walïspa, yatitäk ukhamw COVID-19 usur kutkatañatak irnaqaskañaki, mama “Rossy Valenciatakix wila umaw munasi. Jupanakax nänakamp chikaw irnaqaskäna, jichhax COVID usump usuntatawa. Walja jaqiw COVID usump usuntat utjapxitu. Nayax tatitut mayisiskaktwa, jan uka usump piykatayasiñatakiw mayisisktha” sasaw mama Sosax sawiyi.

Markasanx, Santa Cruz uraqinw COVID-19 usump usuntanakax juk’amp utji, 8.811 usutaw utji, ukhamw wasürkamax yatiyawiyapxi, 70% usutaw Santa Cruz jach’a markanx jikxatasi./RAR