Image

Chukiyawu, 27 uru qasäwi phaxsita 2015 marana (BTV).- Roberto Santos Escobar jupan qillqat "Fechas Históricas Indígenas" sutin pankaparjama. 27 uru qasäwi phaxsita 1781 marana. Sebastián Segurolan palla pallanakapax Pedro Uwayarux qaqilup wali t’iskuykipanw katuntawiyapxatayna ukatx jist’antawiyapxataynawa, jupax Tupak Katarin arkir p’iqichiripatpawa ukhamarakiw jupa jak’an sarnaqiritpa; jupast Ispañankirïkaspas ukhamw mayninakamp uñjayasiñ munatayna, jach’a markar yanapt’ mayiris sarkaspa ukhama.

27 uru qasäwi phaxsita 1781 marana. Damaso Katarix Chayantan jakasirinakampiw La Plata jach’a marka muyuntañatak wakicht’asiñ munapxatayna, ukast Tomás jilapan jiwatapat mutuyañatakiw amtatarakitayna, ukampirus janiw ukham lurañ atkataynati kunattix yaqhip jaqinakaw alxkatapxatayna, mä juk’atatx Audiencia de Charcasan p’iqichirinakapampiw jupax katuntayatätayna. Ukat qhiparux, jupar jisksupxataynawa, yatiyäwinak churañapatakis nuwjapxatayna ukhamarakiw khä jach’a markan jach’a plazapan jiwayapxatayna./ERAR