Image

Wasärmax senadoranakaw 055 kamach amtawiyapxi, uka kamachimpix charank arxatañ munapxi, jan yaqha markanakan charankux nänakankiw sasin sapxañapataki.

Charank uñt’ayañ kamachiwa, jiwas jak’a markanakan charankux Bolivian uñstiriwa sasin sapxañapatakiwa sasaw tata Pablo Gutiérrezax arsuwiyi, jupax Unidad Demócrata (UD) senadorarakiwa.

Kamachinx kunjamas charankux arxatatäni, kunjamas juk’amp uñt’ayatäni, kunjams Bolivian uñstatjam uñt’apxañapatakix luratäni ukxatw arsuta.

“Pirwanx niya kipkak kamachx amtasipxi, ukhamaw yatisi. Ukatw jank’achasiñax wakisïna. Ukhamïpanx jiwasan nayst’añasatakiw amtawiyapxtha, jak’a markanakan ch’arankux Boliviankiw sasin uñt’apxañapataki” sasaw tata Gutiérrax arsuwiyi./RAR