Image Chhijlläwinaka

Trinidad, 21 uru qasäwi phaxsita 2015 marana (BTV).- Benimpin Tarijampin mayamp irpirinak ajlliñatak jaqur sarapkani uka jaqunak juk’amp sum uñjañatakix, pusi tuwaqañ amtaw Organo Electoralatpach sartayatäni, sasaw Wilfredo Ovando, Tribunal Supremo Electoral (TSE) uksan arkir p’iqichiripax, yatiyawiyi.

“Aka jakhthapïwitakix, pusi tuwaqañ amta jan ukax suma lurat uñjañanakaw sartayatäni, aka payïr jaqüwin chhijllayasir paypach tamanakan jaqinakaparux qhanancht’atäxarakiwa”, sasaw Ovandox qhanacht’awiyi, ukhamwa ABI ukax saraki.

Maysatuqutx, TSE uksan Arkir P’iqichiripax sawiyarakiwa, llamayu phaxsin 3 urükipan sapa chiqan chhijllaskan uka payïr jaqüwir sarapkani jupanakan jaqunakapax iyawsatäniwa, sasina. Aka payïr jaqüw uñjirinakax janiraw anchhitax anqa markanakatx qillqantat utjapkituti, sasaw maysatuqutx uñt’ayawiyaraki./ERAR