Image Villa Charcan irnaqatanak luqtkasa (UCP)

Evo Morales Ayma, Bolivia Marka Jilïr Irpirix yatiqañ utananakamp qullañ utanakamp Villa Charcas municipionkirinakar jichhür luqtawiyi ukhamarakiw Nor Cinti yapuchirinakar uraq titulunak churawiyi.

“Kunats markasan irnaqatax uñsti ukx janiw armasiñasati. Markan uraq yänak kutkatayasiñatak sartasitapatw utjaraki”, sasaw jupa Jilïr Irpirix arsuwiyaraki.

Uka pachparakiw, Bolivian qullqichäwip mayjt’ayawayxtan ukatw markachirinakan jakäwipax sumaptayasiwiyi, sasin qhanancht’awiyi.

Jupax tata alcaldenakarus iwxt’awiyarakiwa. Jan thantha yatiqañ utanakx jach’aptayapxamti jan ukax machaq yatiqañ utanak wayna tawaqunakan sum yatiqapxañapatak lurt’apxam sasaw sawiyi.

Machaq yatiqañ utanx 100 yatiqir wawaw yatiqt’apxani. Taqicht’añ utanakamp, panka utamp, yänak lurañ utanakamp, irptañ utanakampiw utji./RAR