Image Riberalta qullañ uta (BTV)

Beni irpirinakax 100 saman tuwunak Ribelta qullañ utampir Guayaramerín qullañ utampir wasärmax luqtawiyapxi, COVID-19 usutanakar qullañatakix ukx puriyawiyapxaraki.

“Wasärmax 100 saman tuwunakw puriyapxi, Centinela qullañ utanx ukax yanapt’añatak munasipinïnwa. Jank’ak yanapt’añatakiw munapxtha. Akar purinipki uka usutanakarux samanamp yanapt’añaw munasi” sasaw mama Patricia Castedox arsuwiyi, jupax Centinela qullañ utw Riberaltan irpt’askaraki. Beni irpirinakan ukham puriyapxataps jupax jach’acht’awiyarakiwa.

Beni irpirinakax Riberaltampin Guayaramerínampin jan wal jikxatasipki uka usutanakar yanapt’apxañapatakiw ukham puriyapxtha sasaw arsuwiyapxaraki. “Nänakax irpirinakjamax akhammw Riberalta jila kullakanaka yanapt’añatak lurasipktha. Wasärmax Guayaramerínarux 100 saman tuwunak puriyawiyapxaraki. Khayanx jiwasat sipans juk’amp jan walt’asipki” sasaw arsuwiyi.

Beninx 136 usutaw wasürux uñstawiyi, 26 Riberalta markachirinaka. 2101 usutaw jichhakamax Benin utjaraki./RAR