Image Titi Qaqa Quta (Llikat apsuta)

Chukiyawu, 22 uru qasäwi phaxsita 2015 marana (BTV). Sapa mara 22 uru qasäwi phaxsit saraqk ukapachax, uraqis arxatir jichha pacha unxtäwin yurïwipaw amtasi, ukast 1970 maran qalltasiwiyi, uka pachax 20 waranq waranq jaqinakaw marka thakhinakamp ch’uxña chiqanakamp tantachasiñ jach’a utanakamp katuntawiyapxäna, jakañjam k’umar uraq utjañapataki.

Aka Pachamaman Uraqpachan Amtat Urupax, uraqisax taqinirus sapa maynirus kunjams aka kunkimp sartañas muni ukxat amtayistu, uka kipkarakiw kunjams chiqpach thakhïm sarañas muni ukatsa.

Uka pachparakiw, Ban Ki-moon, Organización de las Naciones Unidan p’iqichiripax, taqpachan Pachamamar sum uñjapxañapa ukhamarak kuna jan walinakaruy puriyapxchispa ukats amuyapxañap mayiwiyi. 

 “Akat qhipar jach’a amtäwinak apskañän ukanakax janiw kamach luririnakampitak uraqisan irpirinakampitakikïkiti. Jichhürux, Pachamaman Urupanx, amtanakasax uraqisar kunarus puriyi ukxat amuyapxañasatak ukhamarak wawanakasatakix kunarus puriyañäni ukat taqi jiwasanakax amuyapxañasatakiw arxayapsma”, sasinw qhanacht’awiyi.

Aka qasäwi phansinkir 22 arupax, Pachamaman Urup ch’amancht’añatakiwa ukhamarakiw markanakasampir irpirinakasampir pachan turkakiptäwip askichañatak machaq lurawinak apsupxañap munktan uka uñacht’ayañatakisa. Jiwaspachp amuyt’añ pachax purinxiwa” sasaw tukuyawiyi./ERAR