Image Evo Morales Jilïr Irpirin Twitter janjapa (BTV)

Evo Morales Ayma, Bolivia Marka Jilïr Irpirix tata Luiz Inacio “Lula” da Silvaruw jichhürux tata Fernando Haddadar chhijlläwin ajlliyasirjam ajllitapat jach’acht’awiyi. Tata Haddadax Irnaqirinakan Tamapampiw (kastill arunx PT) chhijlläwinx Brasilan yant’asini. Jichhakamax, tata Lulaw Jilïr Irpirïñatak saraskäna, tata Haddadax Sullka Irpirjam chhijllayasiñatakiraki.

“Ukham suma luratapata, (chhijllayasiñ) jaytjatapatx tata Lula da Silvar jallallt’tanwa, jupax tata @Haddad_Fernandoruw Jilïr Irpirjam @ptbrasil ukamp chhijllayasiñapatak ajlliwiyi. Jilata @LulaOficial: aski luratamaw jan juchanpach jist’antapktam uka axunakx t’aqxani”, sasaw  @evoespueblo uksan qillqt’awiyi.

Llumpaqa phaxsinw, Brasil Chhijllayir Utax tata Lulan jan chhijllayasir sarañap amtawiyi.

Mä kamachiw jan pä kut juchachatanakan jan chhijlläwir mantapxañapatak utji, ukarjamaw tata Lularux jan chhijlläwinkañap amtawiyapxi. Jichhürkam PT uksankirinakax jan yaqha chhijllayasirir ajllipkan ukax, janiw Jilïr Irpirïñatak yant’asxapxaniti, jaqsuyasxapxaniwa, sasaw Chhijllayir Utankirinakax Brasilan sawiyapxi./RAR