Image Yerko Núñez, Jilïr Irpirir Yanapir Kamana (Jamuqa: BTV)

Juk’amp usutanak uñstan ukax, departamento irpirinakamp municipio irpirinakampix amtanak irnaqañatakix wakt’ayapxañapa, yamakis utan jist’antat jakañax uka amtanakarjamaw phuqhatäni sasaw jichhürux tata Yerko Núñezax arsuwiyi, jupax Jilïr Irpirir Yanapir Kamanarakiwa.

“Taqi municipio irpirinakamp departamento irpirinakampiw irnaqañ amtanakanïpxañapa, ukhamat usutanakax jilxattan ukax uraqpachar saratatir usuninakax jilxattan ukax juk’aqtayatäspa, kamisti Beni departamenton lurasiwayki ukhama” sasaw tata Núñezax arsuwiyi.

Chukiyawunx Jilïr Irpirir yanapir p’iqichirinakaw tantachasisipki, Jeanine Áñez Jilïr Irpirix uka tantachäwinkaskiwa. Uka tantachäwinx kunjams jutir phaxsix utan jist’antat jakañax utjani, kunjams qullqichäwisax kutitatayatäni ukxat aruskipasipki.

Tata Núñezax janir uka tantachäwir mantkasaw yatiyirinakamp aruskipawiyi. Jupax kunjams usutanakax sint jilxattan ukax sapa departamenton sapa municipion sarnaqatäspa ukxatw arsuwiyi ukhamarakiw wakt’ayañ wakiski uka amtanakxatsa, ukhamatw marka irpirinakampix chikt’at irnaqatäspa sawiyiwa.

Markachirinakax janiw jutir phaxsix kamisti yatitäki ukham mistuñaw sasin sapxañapäkiti, ukatw municipionakanx jan ukham utjañapatak irnaqapxañapa sasaw sawiyaraki./RAR