Image Angélica Sosa, Santa Cruz jach'a marka irpiri

Jutir phaxsix, nayrïr urutpacha, mayjaw Santa Cruz jach’a markanx sarnaqatäxani, achuqa phaxsitpach COVID-19 usu utjipan utan jist’antat sarnaqatäxi ukata, sasaw mama Angélica Sosax arsuwiyi, jupaw uka jach’a marka irpiriraki.

“Jaqix janiw jist’antatäxaspati, ukx amuyxapxtwa. Mayj sarnaqxañatakiw amtanakx wakt’ayasipktha, ukhamarus juk’at juk’at ukham luratäni” sasaw municipio jupa mama irpirix arsuwiyi.

K’achat k’achhatw anqarux mistutäni, markachirinakarux jaqi chimpu jakhuparjamaw sarnaqayatäni. “K’añask apnaqirinakarux willka kuti phaxsit 1 uru saraqkipanx janiw mistupkasmati sasaw sañ munapxsma, amp suma. Jawst’ayapxämawa, janiw q’ipiyasirinakarux juk’amp qullqix mayitäkaspati (…) Jaqi q’ipir k’añaskunak apnaqirinakan sarnaqapxañapatakix amtanakaw utjani. Santa Cruz markachirinakan qullqichapxañapatakiw irnaqapxäxa” sasaw mama Sosax arsuwiyi.

Mama Sosan yatiyañapaw suyatäski, ukhamarjamaw Comité de Operaciones de Emergencia Departamental (COED) ukankirinakax phuqhayapxäxa sasaw tata Marcelo Ríosax arsuwiyi, jupaw uka departamentonx qullañ p’iqicht’askaraki./RAR