Image Irpirinakan arsutapa (Jamuqa: BTV)

Chukiyawumpin Altu Patampinx utan jist’antat jakaskañak amtawiyapxtha, “sinti chhijir purt’asirjamätanwa”, mä paqallq urumpis ukhamäpan, walja usump piykatataw paypach jach’a markan utji sasaw Luis Revilla, Chukiyawu irpirimp, Soledad Chapetón, Altu Pata irpirimpix jichhür sawiyapxi.

“Chukiyawu municipionpin Altu Pata municipiompin sinti chhijir puriñjam chiqanakjam uñt’atäñap amtawiyapxtha, jutir urunakax jichhakam (jan usuntañatak) amtasiwayki ukanak jan yäqxasax sinti jan waliruw purt’assna, waljaniw jan uñjañatakjam usump piykatayasipxaspa” sasaw tata Revillax arsuwiyi.

Jichhakamax jan walja piykatat utjañapatakix yäparuw irnaqawiyata, janiw sintx jilxattawaykiti, marka irpirinakamp SEDESankirinakamp municipio irpirinakamp chikt’at irnaqawiyapxtha ukatw ukhama sasaw sawiyi.

“Ukham amtañax janiw jasakïkiti, ukhamarus markachirinakan k’umar jakapxañapatakiw ukham amtawiyata. (Usutax) qawqhas ukx aliq ukhamak jilpachanix uñjapxi, ukhamarus (uka usutanakax) wila masinakanïpxiwa” sasaw mama Chapetónax arsuwiyi.

Janir arsuñ tukuykasax, markachirinakaruw utan qhiparapxañap mayiwiyapxi, irpirinakax COVID-19 usump piykatatanak jan jilxattañapatakiw irnaqasipktha sasaw sawiyapxi./RAR