Image

Bolivia mark irpiri, tata Luis Arcex twitter chiqaw aka martes urux  Escuela Militar de Ingeniería (EMI) ukatx Universidad Mayor de San Andrés (UMSA)tuqinakarux covid 19 usur saykatañatak yanapt’asiwatapatx yuspajarawayi, kunatix aka yatiqañ utanakax askinjamaw pruebas antígenos nasales ukatx wakunawimp yanpt’asipxatapatx yuspajarawayi.

 “ukhamaraki, Escuela Militar de Ingenieríatuqin qullirinakax irnaqki jupanakaruw aruntha, kunatix aka yatiqañ utax askinjamaw antigenos nasalestuqimpix yanapt’asiwayi, ukhamata jani covid 19 usump piykatatnakax utjañapataki. #NayrarMistuñaniwa”, sasaw irpirix qillqantawayi.

Ukhamaraki, yatiqaña uta UMSAtuqix 6.000 voluntariostuqimpi, 51 institutos, 60 utampi ukatx movilidadestuqimpiw yanapt’asiwayi, ukhamata aka bolivia markpachan  askinjam wakunawimp phuqhañataki.

 “Universidad Mayor de San Andrés yatiqaña utaruw aruntataraki, kunatix 6.000 voluntarios ukatx 51 institutos, 60 utampi ukahamarak movilidadestuqimp yanapt’asitapata, ukhamata askinjama wakunawimp covid 19 usut jark’aqasiñataki, wakunawimpix jutïri urunakaw qallantatäni”, sasaw arxatawayaraki.

Bolvia markax 500.000 wakuna sinopharmax  purinkan ukhaw wakunawimpix qallantani, kunatix aka wakunax Beijing China markataw apanitäski, 500.000 wakunax utjki ukatuqitx 400.000 wakunax alatarakiwa, 100.000 wakunax donacion ukhamarakiwa.